Colors Marathi "Aai Tuljabhavani" serial: कलर्स मराठी वाहिनीवर सध्या अनेक लोकप्रिय मालिका सुरू असून, त्यातच 'आई तुळजाभवानी' या नव्या मालिकेने अल्पावधीतच प्रेक्षकांच्या मनात घर केलं आहे. (Aai Tuljabhavani Marathi serial) साडेतीन शक्तिपीठांपैकी एक असलेल्या तुळजाभवानी मातेची गाथा सांगणाऱ्या या मालिकेला प्रेक्षकांचा चांगला प्रतिसाद मिळत आहे. या मालिकेतील उत्तम कथानक, चांगला व्हीएफएक्स, आणि प्रतिभावान कलाकारांच्या सादरीकरणामुळे 'आई तुळजाभवानी' मालिका प्रेक्षकांच्या पसंतीस उतरली आहे. विशेषतः मराठी संस्कृतीचा गौरव करणारी आणि भावनिक धरलेली ही कथा घराघरात पोहोचली आहे.
मात्र, काही तांत्रिक कारणांमुळे २४ ऑक्टोबर रोजी वाहिनीने या मालिकेचा नवीन भाग दाखवण्याऐवजी जुनाच भाग प्रक्षेपित केला. यामुळे प्रेक्षक गोंधळले, आणि अनेकांनी कलर्स मराठीच्या सोशल मीडिया पेजवर याबद्दल प्रश्न विचारले. या अचानक झालेल्या बदलामुळे प्रेक्षकांनी वाहिनीवर नाराजी व्यक्त केली. प्रेक्षकांच्या या प्रतिक्रियांना प्रतिसाद देत वाहिनीने आपल्या सोशल मीडिया पेजवर माफी मागणारी पोस्ट शेअर केली आहे.(Marathi serial updates)
त्यात वाहिनीने नमूद केलं की, "काही तांत्रिक कारणांमुळे तुमच्या आवडत्या मालिकेचा ‘आई तुळजाभवानी’चा कालचा भाग आज दाखवण्यात आला. उद्यापासून मालिका नियमितपणे दररोज रात्री ९ वाजता प्रसारित होईल. गैरसोयीबद्दल क्षमस्व!" अशा प्रकारे प्रेक्षकांच्या अपेक्षा आणि भावना लक्षात घेत वाहिनीने दिलगिरी व्यक्त केली आहे, ज्यामुळे प्रेक्षकांचा नाराजगीचा सूर काही प्रमाणात कमी झाला.
अभिनेत्री पूजा काळे (Pooja Kale Aai Tuljabhavani) या मालिकेत मुख्य भूमिका साकारत असून, त्यांचे अभिनय आणि नृत्य कौशल्य प्रेक्षकांच्या पसंतीस उतरत आहे. पूजा काळे या भरतनाट्यम नृत्यांगना असून, तिने कथकचंही शिक्षण घेतलं आहे. 'आई तुळजाभवानी' या मालिकेच्या माध्यमातून तिने मराठी टेलिव्हिजन विश्वात पदार्पण केलं आहे.
Marathi TV shows 2024: वाहिनीवरील पोस्ट आणि दिलगिरी व्यक्त केल्यानंतर प्रेक्षकांनीही आपल्या आवडत्या मालिकेसाठी पाठिंबा दर्शवला आहे. 'आई तुळजाभवानी' ही मालिका नियमितपणे दररोज रात्री ९ वाजता प्रसारित होईल, अशी आशा वाहिनीने व्यक्त केली आहे.(Aai Tuljabhavani episode delay)
