महाराष्ट्र राज्य परीक्षा परिषदेच्या (Maharashtra State Examination Council) माध्यमातून शिक्षक पात्रता परीक्षेची (TET - Teacher Eligibility Test) तयारी युद्ध पातळीवर सुरू आहे. आगामी 10 नोव्हेंबर 2024 रोजी महाराष्ट्रात टीईटी परीक्षा होणार आहे, ज्याची अनेक विद्यार्थी प्रतीक्षा करत आहेत. तब्बल 3,53,937 विद्यार्थ्यांनी या परीक्षेसाठी नोंदणी केली आहे. तीन वर्षांच्या मोठ्या अंतरानंतर ही परीक्षा होत असल्याने उमेदवारांमध्ये मोठी उत्सुकता आहे.
TET - Teacher Eligibility Test
टीईटी परीक्षा राज्याच्या 36 जिल्ह्यांमध्ये आयोजित केली जाणार असून, राज्य परीक्षा परिषदेने या परीक्षेचे सुधारित वेळापत्रक जाहीर केले आहे. पेपर-एक सकाळी 10:30 ते दुपारी 1:00 दरम्यान घेतला जाईल, तर पेपर-दोन दुपारी 2:30 ते सायंकाळी 5:00 या वेळेत पार पडणार आहे. राज्य परीक्षा परिषदेच्या आयुक्त अनुराधा ओक यांनी या परीक्षेच्या आयोजनाची माहिती पत्रकाद्वारे दिली आहे.
टीईटी(Tet exam Date) परीक्षेतील घोटाळा समोर आल्यानंतर, परीक्षा अधिक पारदर्शक आणि सुरळीतपणे कशी पार पडावी यासाठी परीक्षा परिषदेने ऑनलाईन पद्धतीने परीक्षा घेण्याचा विचार केला होता. तथापि, प्रश्नपत्रिका विविध भाषांमध्ये तयार करण्याच्या अडचणींमुळे परीक्षा ऑफलाइन घेण्याचा निर्णय झाला आहे. त्यामुळे, आता परीक्षेची तयारी अधिक पक्की करण्यात येत आहे. महाराष्ट्रात एकूण 1029 परीक्षा केंद्रांवर ही परीक्षा घेतली जाईल, ज्यासाठी विविध बैठकांचे आयोजन केंद्रप्रमुख आणि शिक्षणाधिकाऱ्यांसोबत केले जात आहे.
महाराष्ट्र शिक्षक पात्रता परीक्षा (TET Timetable) 2024 वेळापत्रक:
पेपर 1:
दिनांक: 10 नोव्हेंबर 2024
वेळ: सकाळी 10:30 ते दुपारी 1:00
पेपर 2:
दिनांक: 10 नोव्हेंबर 2024
वेळ: दुपारी 2:30 ते सायंकाळी 5:00
परीक्षा राज्यातील 36 जिल्ह्यांमध्ये एकाच दिवशी आयोजित करण्यात आली आहे.
ही परीक्षा महाराष्ट्रातील शिक्षकपदासाठी अनिवार्य आहे, आणि त्यामुळे उमेदवारांमध्ये याविषयी मोठा उत्साह आहे. या परीक्षेची पारदर्शकता आणि सुरळीतता सुनिश्चित करण्यासाठी सरकार आणि परीक्षा परिषदेला कठोर पावले उचलावी लागणार आहेत.
0 टिप्पण्या