महाराष्ट्रात सर्वात जास्त आत्महत्या; भारतात प्रत्येक तासाला 19 जण करत आहेत आत्महत्या | 'ही' आहेत मुख्य कारण... | Maharashtra Suicide Cases

Alarming report of highest number of suicides in Maharashtra: गेल्या वर्षभरात महाराष्ट्रात सर्वाधिक आत्महत्या झाल्याचा चिंताजनक अहवाल समोर आला आहे. राज्यात, केवळ एका वर्षात 22,746 आत्महत्या झाल्या आहेत, ज्याने तामिळनाडूला मागे टाकले आहे, तामिळनाडूमध्ये 19,834 लोकांनी आपला जीव दिला आहे. ही वाढ कर्जाचे ओझे आणि आर्थिक अस्थिरता या कारणामुळे झाल्याचे समोर येत आहे. हा संबंधित कल NCRB अहवालाद्वारे समोर आला आहे, जो चिंताजनक आणि त्रासदायक परिस्थिती दर्शवतो.

Suicide Cases in Maharashtra

राज्यात, बेरोजगारी किंवा कर्जबाजारीपणामुळे 1941 आत्महत्या झाल्याची नोंद आहे. त्याखालोखाल कर्नाटकात १३३५ आणि आंध्र प्रदेशात ८१५ व्यक्तींनी बेरोजगारी किंवा कर्जबाजारीपणामुळे आत्महत्या केल्या होत्या. महाराष्ट्रात बेरोजगारीमुळे 642,व्यावसायिक जीवनातील समस्यांमुळे 640 आणि गरिबीमुळे 402 जणांनी आपले जीवन संपवले.

महाराष्ट्रात सर्वाधिक आत्महत्या कौटुंबिक समस्यांमुळे झाल्याचे बाब समोर आले आहे. गेल्या वर्षभरात सुमारे ६९६१ आत्महत्या कौटुंबिक कारणांमुळे झाल्या. महाराष्ट्र, तामिळनाडू, मध्य प्रदेश, कर्नाटक आणि पश्चिम बंगाल यापैकी या पाच राज्यांमध्ये देशातील एकूण आत्महत्यांपैकी 49.3 टक्के आत्महत्या होतात, असा चिंताजनक अहवाल समोर आला आहे.

2021 मध्ये 164,033 आत्महत्या झाल्या, तर 2022 मध्ये ही संख्या 170,924 वर पोहोचली. महाराष्ट्रात सर्वाधिक आत्महत्यांचे प्रमाण १३.३% आहे, त्यानंतर तामिळनाडू ११.६%, मध्य प्रदेश ९%, कर्नाटक ८% आणि पश्चिम बंगाल ७.४% आहे. सांख्यिकीयदृष्ट्या, 2022 मध्ये, देशात प्रत्येक तासाला 19 लोक स्वत:चा जीव घेतात, अशी गणना केली जाते. 

पुढील बातमी वाचा- जवानाने AK-47 मधून स्वत:वरच झाडून घेतल्या गोळ्या | Jawan ended his life by firing a bullet from an AK 47 rifle

 इतर व्यवसायांच्या तुलनेत कृषी क्षेत्रात अधिक शेतकरी आणि शेतमजूर आत्महत्या करतात. पंजाब, तामिळनाडू, सिक्कीम, अंदमान आणि निकोबार बेटे आणि गोवा या राज्यांमध्ये रोगामुळे आत्महत्या करण्याचे प्रमाण जास्त आहे. 18.4 टक्के गंभीर आजार या कारणामुळे आत्महत्या झाले आहेत.