चला येथे, आपण PKL च्या 10 व्या हंगामात सर्वाधिक बोली मिळवलेल्या शीर्ष 5 खेळाडूंचा शोध घेऊ.
5. सिद्धार्थ देसाई – हरियाणा स्टीलर्स (1 कोटी)
PKL मधील सर्वोत्कृष्ट रेडर्सपैकी एक, सिद्धार्थ देसाईला हरियाणा स्टीलर्सने (Siddharth Desai – Haryana Steelers) 10 व्या हंगामाच्या लिलावात 1 कोटी रुपयांना विकत घेतले. सिद्धार्थ देसाई हा प्रो कबड्डी लीगच्या अनुभवी रेडर्सपैकी एक असून त्याने आजवर अनेक महत्त्वपूर्ण विक्रम मोडले आहेत. सहाव्या सत्रात, त्याने 21 सामन्यांमध्ये 218 रेड पॉइंट मिळवले होते ज्यामुळे तो PKL हिस्टोरी मध्ये 50 रेड पॉइंट्स गाठणारा सर्वात वेगवान खेळाडू बनला. त्याने अवघ्या चार सामन्यांमध्ये ही कामगिरी केली आणि 2018 च्या हंगामात त्याला सर्वोत्कृष्ट पदार्पण करणारा पुरस्कारही मिळाला.
4. फाझेल अत्राचली – गुजरात जायंट्स (1 कोटी 60 लाख)
पुन्हा एकदा, स्टार बचावपटू फाझेल अत्राचलीसाठी उच्च बोली लावल्याचे पाहायला मिळाले. गुजरात जायंट्सने(Fazel Atrachali – Gujarat Giants) १०व्या हंगामाच्या लिलावात फझेल अत्राचलीसाठी भरीव बोली लावत त्यास १ कोटी ६० लाखांमध्ये मिळवून दिले. फाझेल अत्राचलीची मूळ किंमत 30 लाख होती आणि सुरुवातीला तेलुगु टायटन्सने बोली लावली, त्यानंतर गुजरात जायंट्स आणि दबंग दिल्लीनेही त्याच्यासाठी बोली लावली. जोरदार बोली युद्ध शेवटी गुजरात जायंट्सने जिंकले.
3. मनिंदर सिंग – बंगाल वॉरियर्स(Maninder Singh – Bengal Warriors) (2 कोटी 12 लाख)
बंगाल वॉरियर्सचा कर्णधार, मनिंदर सिंग, अनेक हंगामानंतर पीकेएल लिलावात दाखल झाला आणि त्याच्यासाठी जोरदार बोली लागली. तेलुगू टायटन्स आणि बेंगळुरू बुल्स यांनीही मनिंदर सिंगसाठी बोली लावली. नंतर दबंग दिल्लीनेही बोली लावली. तथापि, अखेरीस, तेलगू टायटन्सने त्याला 2 कोटी 12 लाखांच्या किमत लावत आपल्या बाजूला खेचले त्यामुळे बंगाल वॉरियर्स स्वप्नच्या स्वप्नावर पाणी फिरले.
इराणचा स्टार अष्टपैलू मोहम्मदरेझा शाडलू हा त्याच्या तिसऱ्या PKL हंगामात लीगच्या इतिहासातील दुसरा सर्वात महागडा खेळाडू ठरला. 10व्या हंगामाच्या लिलावात त्याला 2 कोटी 35 लाख रुपयांना विकत घेण्यात आले. मोहम्मदरेझा शाडलूची मूळ किंमत 30 लाख होती आणि यू मुंबाने सुरुवातीला त्याच्यासाठी बोली लावली, त्यानंतर बंगाल वॉरियर्स, युपी योद्धाही बोलीत उतरले. गुजरात जायंट्सने 1 कोटींची बोली लावूनही, पुणेरी पलटणने त्याला आपल्या बाजूला घेण्यात यश मिळवले.
1. पवन सेहरावत – तेलुगू टायटन्स(Pawan Sehrawat – Telugu Titans) (2 कोटी 60 लाख 50 हजार)
हाय-फ्लाइंग रेडर पवन सेहरावत पुन्हा एकदा PKL इतिहासातील सर्वात महागडा खेळाडू ठरला आहे. त्याला तेलुगू टायटन्सने 10व्या हंगामाच्या लिलावात 2 कोटी, 60 लाख आणि 50 हजारांमध्ये मोठ्या रकमेसाठी विकत घेतले. पवन सेहरावतची मूळ किंमत 20 लाख होती आणि तेलुगू टायटन्सने त्याच्यासाठी थेट 1 कोटीची बोली लावली. बेंगळुरू बुल्स, हरियाणा स्टीलर्स आणि तमिळ थलायवास यांच्या प्रयत्नांना न जुमानता, तेलुगू टायटन्सने पवन सेहरावतला 2 कोटींहून अधिक पैसे मिळवून दिले.
हरियाणा स्टीलर्सनेही पवन सेहरावतला विकत घेण्याचा प्रयत्न केला, लिलावादरम्यान बोली लावली, परंतु शेवटी, तेलुगू टायटन्सने लढाई जिंकली. 9व्या सीझनच्या लिलावादरम्यान तमिळ थलैवासने त्याच्यासाठी 2 कोटी 26 लाख रुपये मोजले होते.
